Pamasahe sa eroplano tataas ayon sa CAB
Magkakaroon ng dagdag-singil sa pamasahe sa eroplano.
Ito ay matapos itaas ng Civil Aeronautics Board o CAB sa Level 17 ang fuel surcharge para sa petsang October 1 hanggang 15.
Katumbas ito ng 559 hanggang 1,635 pesos na fuel surcharge para sa domestic flights.
Aabot naman sa 1,846 hanggang 13,726 ang fuel surcharge para sa international flights.
Ang dagdag singil ay dahil sa muling pagtaas ng presyo ng langis sa world market.
Noong September 16 to 30 at nasa Level 14 ang fuel surcharge. (DDC)
