Procedural changes na kinukonsidera ng SC suportado ng BuCor
Nagpahayag ng buong suporta ang Bureau of Corrections (BuCor) para sa procedural changes na kinukonsidera ng Supreme Court (SC) o Korte Suprema kabilang ang house arrest, medical confinement, at community-supervised release bilang mga alternatibo sa pagkakakulong.
Ang mga alternatibong legal ay idinulog ni Chief Justice Alexander Gesmundo sa kanyang talumpati sa katatapos na Justice Sector Coordinating Council (JSCC) Summit.
Target ng mungkahing mga hakbang na tugunan ang tuloy-tuloy na pagbibilanggo, at siksikan ng kulungan ng bansa habang sinisiguro na mapapamahalaan ang katarungan ng makatao at mahusay.
Sinabi ni BuCor Director General Gregorio Pio Catapang Jr. na ang BuCor aniya ay “very much on the same page” sa SC partikular na may kinalaman sa mga nakakatandang lumabag sa batas at may matitinding sakit o karamdaman bilang alternative arrangements.
Ayon pa kay Catapang ang panukalang reporma ay walang tigil na posisyon ng BuCor para sa may malasakit na pagpapalaya sa mga nakatatanda, may sakit o kuwalipikado sa makataong konsiderasyon pagkatapos nilang mabuno ang minimum period ng kanilang sentensiya.
“This is no different from our proposal granting medical parole to elderly persons deprived of liberty aged 70 and above, those who are terminally ill, and individuals who are severely incapacitated,” sabi ni Catapang.
Sa ilalim ng panukalang balangkas, ang kuwalipikadong persons deprived of liberty (PDLs) ay pinapayagang punan ang natitirang sentensiya sa labas ng tradisyubal na pasilidad ng kulungan at kinakailangan pa rin ng bantayan at imonitor. Ang ganitong arrangements ay kasama ang medical parole, home confinement, o community supervision depende sa kondisyon ng kalusugan ng indibiduwal, edad, lebel ng banta, at iba pang kadahilanan.
Ipinunto ni Catapang na ang ilang banda kabilang ang United States, United Kingdom, at Canada, ay gumaya ng legal frameworks para sa malasakit at medical parole. Ang ganitong mga sistema ay kumikilala patuliy na pagbibilanggo sa mga mayroong iniindang nakakamamatay na sakit o sobrang walang kakayahang indibiduwal na maaaring maidikit sa hindi makataong pagtatrato at hindi na makapagsilbi bilang lehitimong pakay nito sa kulungan.
Base sa datos ng Bucor mula sa kanyang Directorate for Health and Welfare Services (DHWS), noong Agosto 2026 naitala ang tinatayang 6,074 nakatatandang PDLs, 55 rito ang may tinataglay na nakakamatay na sakit. (Bhelle Gamboa)
