Mga Pinoy na nagsasabong sa France inireklamo sa otoridad
Nagbabala ang embahada ng Pilipinas sa mga Pinoy sa France kaugnay sa pagkakasangkot sa ilegal na sugal at pagsasabong.
Ayon sa babala ng embahada, inalerto sila ng mga French authorities sa pagkakasangkot ng mga Pinoy sa sabong at iba pang uri ng sugal.
May mga nagrereklamo din na naiistorbo sila dahil sa ingay ng mga Pinoy na nagsasabong at nagsusugal.
Paalala ng embahada, bawal ang pagsasabong sa France at ang mga mahuhuli ay maaaring makulong ng hanggang tatlong taon at mapatawan ng multa na 45,000 euros.
Ayon pa sa embahada, dapat irespeto at sundin ng mga Pinoy ang mga batas na umiiral sa France. (DDC)
