DOLE naglabas ng guidelines sa pagsuspinde ng trabaho sa pribadong sektor kapag hindi maganda ang kalidad ng hangin

Hinikyat ng Department of Labor and Employment ang mga employer mula sa pribadong sektor na gumawa ng mga hakbang para maprotektahan ang kanilang mga manggagawa mula sa environmental hazards na dulot ng hindi magandang kalidad ng hangin.

Sa Labor Advisory na nilagdaan ni DOLE Secretary Francis Tolentino naglatag ito ng mga guidelines para matiyak na mabibigyang proteksyon ang mga manggagawa mula sa environmental air pollution.

Nakasaad sa abiso na dapat magpatupad ang mga employer ng Hazard Identification, Risk Assessment, and Control o HIRAC procedures para matukoy ang posibleng exposure ng mga empleyado nila sa poor air quality.

Ang assessment ay dapat ibatay sa Air Quality Index Matrix and Action Points na inilalabas ng Department of Environment and Natural Resources at ng Department of Health.

Kapag ang air quality ay umabot sa very unhealthy level, dapat maglaan ang mga employer ng personal protective equipment sa mga empleyado, i-upgrade ang kanilang indoor airflow at ventilation, suspendihin o limitahan ang outdoor tasks, at bigyan ng impormasyon ang mga empleyado tungkol sa banta ng polusyon sa kanilang kalusugan.

Kung aabot naman sa acutely unhealthy ang air conditions, dapat ikunsidera na ang pagpapatupad ng flexible work options.

At kapag umabot pa sa emergency ang air quality level dapat nang suspendihin ang pasok sa trabaho para sa non-essential work o kaya ay magpatupad ng alternative work arrangements. (DDC)