China muling maglulunsad ng rocket; PH Navy nagbabala sa posibleng pagbagsak ng debris

Nagbabala ang Naval Command West ng Philippine Navy kaugnay ng posibleng pagbagsak ng debris mula sa ilulunsa na rocket ng China.

Ayon sa abiso, nakatakda muling maglunsad ng Long March 8A Rocket mula sa Hainan, China bukas, Sept. 23 sa pagitan ng 𝟎𝟗:𝟐𝟒 hanggang 𝟏𝟎:𝟎𝟎 ng gabi.

Ang debris mula sa nasabing rocket ay maaaring bumagsak sa loob ng mga tinukoy na drop zones kabilang ang sa bahagi ng Bajo De Masinloc, Elnido, Palawan at Busuanga, Palawan.

Gayundin sa bahagi ng Puerto Princesa City, Tubbataha Reefs Natural Park, Pangutaran Island, Sulu at Hadji Muhtamad, Basilan.

Paalala ng mga otoridad sa publiko lalo na sa mga mangingisda at mga sasakyang pandagat na iwasan ang mga lugar na sakop ng nabanggit na mga lugar upang matiyak ang kaligtasan at maiwasan ang anumang posibleng panganib.

Mahigpit na pinapayuhan ang publiko na huwag lalapitan, gagalawin, o pupulutin ang anumang kahina-hinalang bagay na matatagpuan sa baybayin o palutang-lutang sa dagat. (DDC)