Mosyon ni VP Sara para mag-inhibit sa kaniyang kaso ang hukom sa QC ibinasura
Ibinasura ng Quezon City RTC Branch 98 ang motion for inhibition na inihain ni Vice President Sara Duterte.
Sa kaniyang mosyon, nais ni VP Sara na mag-inhibit sa kaniyang kasong grave threats si Branch 98 Presiding Judge Maria Angelica De Ramos.
Inakusahan ni Duterte ang korte na tumulong umano sa prosekusyon para sa pagkakaroon ng probable cause sa kaniyang kaso.
Pero ayon sa desisyon ng korte, walang merito ang mosyon ng bise presidente.
Dahil dito sinabi ni De Ramos na walang sapat na rason para mag-inhibit siya sa paghawak sa kaso. (DDC)
