Bar Review Coach pinarusahan ng Korte Suprema dahil sa pagpapakalat ng misinformation

Pinatawan ng indirect contempt ng Korte Suprema ang isang bar review coach dahil sa pagpapakalat ng maling impormasyon patungkol sa idinaos na Bar Examinations noong taong 2023.

Ang pinarusahan ng Korte Suprema ay si Edgar Dizon, administrator ng Facebook group na “Bar Law for Dummies”.

Ito ay makaraang mag-viral ang kaniyang Facebook post noong Sept. 21, 2023 mula sa isang FB grupo at sa account na “Tsidkenu Dizon” na nagsasabing gagamit ng artificial intelligence (AI) sa paghihiwalay, pagtingin, at pagtatama ng mga sagot sa Bar Exams.

Ayon sa SC, ang naturang post ni Dizon ay nagdulot ng kalituhan at pangamba sa mga examinee.

Nagbunsod pa ito sa paglalabas ng abiso ng Bar Chair’s Office noon at nilinaw na human examiners mismo ang susuri sa mga sagot.

Pinatawan si Dizon ng multa na 30,000 pesos at inatasan na alsin na ang kaniyang pangalan sa listahan ng 2016 Bar passers. (DDC)