Higit P15M halaga ng ilegal na yosi nakumpiska sa Dumaguete

Nakumpiska ng otoridad ang tinatayang 15.07 million pesos na halaga ng undocumented na sigarilyo sa anti-smuggling operation sa Port of Dumaguete.

Ayon sa Philippine Ports Authority, nahaharang ang isang truck na galing ng Dapitan City at sakay ng barko patungong Dumaguete.

Sa inspeksyon, nakumpiska ang 263 master cases ng sigarilyo at humigit-kumulang 200 boxes ng dried fish.

Naaresto ang tatlong lalaki na sakay ng naturang truck at isinailalim sa kustodiya ng mga otoridad para sa imbestigasyon at kaukulang legal na proseso.

Nahaharap sila sa paglabag sa Republic Act No. 10643 o Graphic Health Warnings Law at RA No. 10863 o Customs Modernization and Tariff Act. (DDC)