Higit 978K low-income families nakatanggap ng tulong sa ilalim ng UPLIFT

Halos isang milyong low-income members ng Social Security System ang nakatanggap na ng P2,000 na halaga ng tulong sa ilalim ng Unified Package for Livelihoods, Industry, Food, and Transport o UPLIFT Assistance.

Ayon kay DSWD spokesperson, Asst. Secretary Irene Dumlao, 978,000 households na bahagi ng Group 3 ng UPLIFT Assistance beneficiaries ang naabutan na ng tulong.

Ang nasa listahan ng Group 3 ay ang mga mayroong Monthly Salary Credit sa SSS na hindi hihigit sa P20,000, mayroong hulog o contribution sa SSS na least isang beses noong 2025 o ngayong 2026 at may SSS disbursement account.

Ang SSS ang direktang nagsagawa ng pamamahagi ng financial assistance na ipinasok direkta sa registered bank o disbursement accounts ng qualified beneficiaries.

Ang mga benepisyaryo sa ilalim ng Group 3 ay tatanggap ng P2,000 kada buwan sa loob ng anim na magkakasunod na buwan o mula Hulyo hanggang Disyembre. (DDC)