Higit 1.1M na halaga ng tulong ipinamahagi ng DSWD sa mga apektado ng Bagyong Luis

Umabot sa mahigit 1.1 million pesos na halaga ng tulong ang ipinamahagi ng Department of Social Welfare and Development sa mga pamilyang naapektuhan ng Tropical Depression Luis sa mga rehiyon ng Bicol at Zamboanga Peninsula.

Namahagi ang Quick Response Team ng DSWD ng ready-to-eat food boxes sa mga na-stranded sa mga pantalan sa Tobaco Port sa Albay noong Linggo, August 2.

Sa Barangay Curuan, Zamboanga City naman, namahagi din ang DSWD ng food at non-food Items sa mga pamilyang nananatili sa evacuation centers dahil sa epekto ng bagyo.

Ayon kay DSWD Asst. Secretary Irene Dumlao, patuloy na naka-monitor ang DSWD sa epekto ng bagyong Luis at ng Habagat.

Sa kasalukuyan ay mayroong halos 5 million family food packs ang DSWD na naka-preposition sa iba’t ibang panig bansa. (DDC)