Biyahe ng mga barko sa mga pantalan balik na sa normal
Normal na ang operasyon ng mga sasakyang pandagat sa lahat ng pantalan sa bansa.
Ayon sa Philippine Coast Guard Command Center, wala nang stranded na mga pasahero sa mga pantalan na nauna nang naapektuhan ng sama ng panahon dahil sa bagyong Luis.
Sinabi ng PCG na nakabiyahe na din ang mga na-stranded na barko, rolling cargoes at motorbanca.
Noong Linggo ay natigil ang operasyon ng mga pantalan sa Quezon at bahagi ng Bicol Region dahil sa bagyong Luis.
