Testigo mula COA kinumpirmang naubos sa loob ng 11-days ang onfidential funds ng OVP na dapat ay pang 3-buwan

Kinumpirma ng testigo mula sa Commission on Audit na si dating State Auditor Roderick Wamil na sa loob lamang ng labingisang araw ay naubos ng Office of the Vice President and confidential funds nito na nagkakahalaga ng 125 million pesos.

Sa kaniyang pagtestigo sa day 11 ng Impeachment Trial ni Vice President Sara Duterte, sinabi ni Wamil na noong isinagawa niya ang pag-audit sa pondo, naging kapansin-pansin para sa kaniya na ang cash advance para sa confidential activities ng OVP na dapat sana ay pang-tatlong buwan ay ginastos lang ng 11-days.

Ayon kay Wamil, na-disburse ang 125 million pesos na confidential funds ng OVP simula December 21 hanggang 31, 2022.

Ang nasabing pondo ayon kay Wamil ay para sana sa huling quarter ng 2022 o mula October, November hanggang December.

Ito ay kung ang pagbabatayan aniya ang coverage ng cash advance ng OVP.

Pero ayon kay Wamil nakasunod naman sa requirement ang cash advance ng OVP batay sa itinatakda ng Joint Circular 2015 – 01 ng COA na nagtatakda kung paano ang pag-re-release, paggamit at pag-audit sa confidential at intelligence funds. (DDC)