Operasyon ng DPWH sa Taguig kontrolado umano ni Sen. Alan Cayetano

Lumitaw umano sa mga nakalap na ebidensya ni Senator Panfilo Lacson na kontrolado ni Senate Minority Leader Alan Peter Cayetano ang operasyon ng DPWH sa Taguig City.

Ayon kay Lacson, ang mga district engineer sa lungsod ay hindi basta-basta nakagagalaw nang walang pag-apruba ni Cayetano.

Ang mga district engineer na hindi umano sumusunod kay Cayetano ay agad napapalitan.

Sa tulong ng impormante, natunton ng tanggapan ni Lacson ang money trail sa Taguig at natukoy ang daloy ng infrastructure project kickbacks sa lungsod.

Ayon kay Lacson, 33 percent ang kickback sa flood control projects sa Taguig.

Naglabas din ng resibo si Lacson kung saan makikita ang larawan ng mga proyekto sa Taguig.

Sa nasabing mga larawan mayroong apat na magkakaibang slope protection projects sa magkakaibang lokasyon ang nai-award sa apat na magkakaibang contractors.

Ginamitan ito ng pare-parehong geotagged photo at lahat ay iniulat na kumpleto, billed at bayad na. (DDC)