Petisyon inihain ng isang guro tungkol sa palitan ng liderato sa Senado ibinasura ng SC

Hindi umaksyon ang Korte Suprema sa kasalukuyang sigalot sa liderato ng senado.

Sa halip ay ibinasura lamang ng Mataas na Hukuman ang inihaing petisyon ng guro na si John Barry Tayam dahil sa kawalan ng “legal standing”.

Sa isinagawang en banc session ng mga mahistrado, nagdesisyon ang SC na ibasura ang petisyon dahil nabigo umano si Tayam na ipakitang naapektuhan siya o nakaranas siya ng “direct injury” bunsod ng mga nagging kaganapan sa senado.

Sa kaniyang inihaing petisyon, hiniling ni Tayam sa SC na ideklarang valid ang pagkakaroon ng quorum ng labingdalawang senador nang idaos nila ang sesyon noong June 3. (DDC)