Mga manggagawang naapektuhan ng lindol sa Mindanao tatanggap ng kompensasyon

Nagsasagawa na ng profilling ang Department of Labor and Employment para sa mga mangagawa na naapektuhan ng lindol sa Mindanao.

Ayon kay Labor Sec. Francis Tolentino, sa ilalim ng regulasyon ng Employees’ Compensation Commission, ang mga biktimang mangagawa ay makatatanggap ng kompensasyon.

Kung mayroong nasawing empleyado, ipagkakaloob ang thirty thousand pesos na funeral assistance sa naulila nilang pamilya.

Ang iba pang empleyadong naapektuhan ay tatanggap naman ng fifteen thousand pesos na financial assistance.

Samantala, inaasikaso na din ng DOLE ang pagbibigay ng pansamantalang hanapbuhay sa mga mangagawa na nawalan ng trabaho dahil sa lindol.

Sinabi ni Tolentino na maaari silang gawing benepisyaryo ng TUPAD Program para magkaroon ng pagkakakitaan. (DDC)