Dismissed police officer Rafael Dumlao nilipat na sa Bilibid sa Muntinlupa City
Dinetalye ni Bureau of Corrections Director General Gregorio Pio P. Catapang Jr. ang pagsasailalim sa komprehensibong pamamaraan sa nadismis na opisyal ng pulis na si Rafael Dumlao bago ang paglipat nito sa New Bilibid Prison (NBP) sa Muntinlupa City ngayong araw ng Miyerkules.
Ang mga protocols na ito ay dinisenyo upang masusing bantayan ang kalusugan at seguridad ng persons deprived of liberty (PDL), pagtiyak din ng maayos na integrasyon sa corrections system.
Sa pagdating niya sa NBP, unang dadalhin si Dumlao sa regular na Quarantine Cell sa Reception and Diagnostic Center (RDC) sa loob ng limang araw. Ipinaliwanag ni Catapang na ito ay mahalagang panahon ng medikal na obserbasyon na layuning imonitor para sa anuman nakakahawang kondisyon at nagpapahintulot ng lahat ng medical at psychiatric examinations. Ang healthcare team ay maingat na i-assess ang kalusugang pisika at mental, matukoy ang alinmang disabilities o mental health issues upang bigyan ng napapanahong interbensyon kung kinakailangan.
Ang overseer ay sabay-sabay na magsasagawa ng interbyu kay Dumlao upang maglikom ng mga importanteng personal information na kailangan para makumpleto ang kanyang PERSONAL kasama ang Registration Form nito. Sa kasagsagan ng proseso, irerecord din ang mga pangalan kaanak o otorisadong bisita.
Kasunod ng interview, kukunin ng Identification Unit ang fingerprints ni Dumlao na gagamitin naman sa ilang opisyal na dokumento gaya ng Registration Form, Criminal Fingerprint Chart, at Registration Sheet Form. Sa parallel naman ang Photography Unit na kukuha sa mug shots at iba pang kaukulang litrato para sa kanyang prison dossier na mas kilala sa tawag na Carpeta. Kapag nakumpleto ang mga hakbang, si Dumlao ay bibigyan ng unique PDL number, isang mahalagang identifier o pagtukoy para sa lahat ng administratibo at seguridad na pakay sa loob ng pasilidad.
Kapag nakumpleto ang quarantine period,sinabi ni Catapang na ililipat si Dumlao sa regular na selda na itatalaga sa kanya ng Overseer. Ang BuCor ay magtatatag ng istruktura at disiplinadong kapaligiran sa pamamagitan ng mandatory orientation, diagnostic assessments, at classification procedures na tatagal ng 55 na araw.Sa ganitong komprehensibong proseso ay dinisenyo upang epektibo ang integrasyon ni Dumlao sa komunidad ng piitan.
Sa panahon ng Mandatory Orientation, ipapabatid kay Dumlao ang mga alituntunin at regulasyin ng pasilidad, ang kanyang karapatan at pribilehiyo, diagnostic procedures, rehabilitation programs, health services, allotted time allowances, at grievance machinery na tutugo sa mga reklamo ng inmate.
Ayon pa kay Catapang napakahalaga ng katungkulan ng RDC sa pagsasagawa ng inisyal na kalsipikasyon ng bawat tinatanggap na PDL. Ang klasipikasyon ay nakabatay sa sentensiya o hatol, at bantang panganib sa seguridad ng inmate,sinisiguro ng kaukulang pabahay at pamamahala sa bawat kustodiyang lebel at kailangang rehabilitasyon ng indibiduwal.
Idinagdag pa nito na sa pamamagitan ng mga metikulusong procedures o pamamaraan, nais ng BuCor na mapanatili ang kaayusan, seguridad, at kapakananat katayuan ng lahat ng inmates sa ilalim ng pangangalaga ng ahensiya. (Bhelle Gamboa)
