Babaeng HVI timbog sa Alabang drug sting, ₱711K halaga ng Kush nasabat

Naaresto ng mga tauhan ng Station Drug Enforcement Unit (SDEU) ng Muntinlupa City Police Station ang isang babaeng High-Value Individual (HVI) at nasabat ang tinatayang 508 na gramo ng hinihinalang high-grade marijuana o mas kilala sa tawag na Kush, sa gitna ng buy-bust operation na ikinasa sa Old City Terminal, Barangay Alabang, Muntinlupa City.

Kinilala ni Muntinlupa CPS Chief of Police Col Olivia C. Ancheta, ang naarestong suspek na si alyas “Cas,” 25-anyos.

Nakumpiska sa suspek ang transparent plastic bag na naglalaman ng umano’y kush na nagkakahalaga ng ₱711,200.00, buy-bust money, at paper bag na ginamit sa transaksiyon.

Dinala ang suspek sa tanggapan ng SDEU para dokumentasyon at imbestigasyon. Inihahanda ng otoridad ang pagsasampa ng kasong paglabag sa Comprehensive Dangerous Drugs Act of 2002 laban kay alyas Cas.

“The arrest of a high-value drug personality and the confiscation of more than half a kilogram of Kush reflect our continuing efforts to disrupt the illegal drug trade. We will sustain our operations and strengthen our presence on the ground to protect our communities from illegal drugs,” sabi ni PBGen Glenn Oliver C. Cinco, District Director ng Southern Police District. (Bhelle Gamboa)