Mga biktima sa gumuhong gusali sa Pampanga tatanggap ng tulong-pinansyal mula sa DOLE

Iniutos ni Department of Labor and Employment Sec. Francis Tolentino ang pagkakaloob ng tulong-pinansyal sa mga biktima ng gumuhong ginagawang gusali sa Angeles City.

Ang direktiba ni Tolentino sa Employees’ Compensation Commission ay madaliin ang pagkakaloob ng benepisyo sa mga kwalipikadong biktima at benepisyaryo.

Sa ilalim ng programa ng ECC, tatanggap ang pamilya ng mga nasawing biktima ng Employees’ Compensation na nagkakahalaga ng 15,000 pesos.

Inatasan din ng kalihim ang ECC na asikasuhin ang aplikasyon para sa funeral benefit ng mga nasawi na aabot sa 30,000 sa pamamagitan ng Social Security System.

Ang mga nasugatang manggagawa naman ay tatanggap ng 10,000 cash assistance sa ilalim din ng EC Program.

Kung nagtamo naman ng matinding pinsala ay maaari din silang makatanggap ng disability benefit mula SSS.