Higit P840M na halaga ng pekeng pabango at lotion nakumpiska ng BOC

Nasabat ng Bureau of Customs ang mga pekeng pabango at lotion sa sinalakay na warehouse sa Valenzuela City.

Ikinasa ang operasyon matapos makatanggap ng impormasyon ang BOC sa warehouse na ginagamit na imbakan ng mga pekeng produkto.

Sa imbentaryo ng Customs, kabuuang 1,460 na kahon ng pabango at 364 na kahon ng lotions na gamit ang marka ng iba’t ibang international brands ang nakita sa warehouse.

Tinatayang aabot sa 841 million pesos ang halaga ng mga nakumpiskang produkto.

Ikinandado na ng BOC ang warehouse at nag-isyu na din ng Warrant of Seizure and Detention sa mga produkto.