14 na Pinoy Marino ligtas matapos ang banggaan ng 2 barko sa Nigeria

Pawang nasa maayos na kondisyon ang lahat ng labingapat na Pinoy crew ng Singapore-flagged container MV Maersk Valparaiso matapos ang kinasangkutang aksidente sa Nigeria.

Ayon sa Department of Migrant Workers, nakabanggaan ng nasabing barko ang oil tanker na Lady Martina sa Onne Bonny River.

Batay sa ulat na natanggap ng DMW agad nag-activate ng emergency response ang Nigerian Maritime Administration and Safety Agency para mailigtas ang mga crew ng dalawang barko.

Patuloy naman ang pakikipag-ugnayan ng DMW sa agency ng mga Pinoy seafarer para masigurong maaayos ang kanilang kalagayan matapos ang insidente. (DDC)