Hassle-free na biyahe ng mga fuel tanker iniutos ng DILG
Inatasan ng Department of the Interior and Local Government ang lahat ng LGUs sa bansa na tiyakin ang hassle-free na biyahe ng mga tanker na may kargang produktong petrolyo.
Ayon sa abiso ng DILG, dapat maging maluwag muna ang mga LGU sa pagpapatupad ng restrictions sa mga oil tanker.
Sa memorandum circular ng DILG, partikular na binanggit na huwag munang pairalin ang truck ban at coding sa mga fuel tanker para masiguro ang mabilis na pagbiyahe ng produktong petrolyo.
Sa ganitong paraan sinabi ng ahensya na masisiguro ang uninterrupted movement ng fuel supply.
Mahalaga ito ayon sa ahensya ngayong kritikal pa rin ang suplay ng produktong petrolyo sa bansa. (DDC)
