Isa na namang pekeng Pinoy natimbog ng BI

Naaresto ng mga tauhan ng Bureau of Immigration ang isang Chinese national sa Batangas na nagpanggap na Pinoy.

Ayon kay BI Intelligence Division Chief Fortunato Manahan, Jr. dinakip ang ayuhang dayuhang si Zhou Jianxiao, trentay singko anyos dahil sa paglabag sa Philippine Immigration Act of 1940 dahil sa paggamit ng Philippine documents para palabasin na siya ay isang Pilipino.

Gumagamit umano ang suspek ng alyas na Donny Flores Zhou at nakakuha siya ng driver’s license kung saan nakasaad na siya ay Filipino national.

Natuklasan din nan agma-manage siya ng isang warehouse sa Batangas.

Maliban kay Zhou, tatlong Chinese nationals pa ang naaresto sa lugar dahil sa kawalan ng visa or permit at pagiging overstaying sa bansa. (DDC)