DOE nagpaalala sa ligtas na EV Charging sa bahay

Dahil sa mahal na presyo ng produktong petrolyo marami ang nagsisimula nang mag-shift sa paggamit ng electric vehicles.

Kaya naman nagpaalala ang Department of Energy sa ligtas na pag-install at paggamit ng EV charging sa mga bahay.

Ayon sa DOE, dapat tiyaking gumamit ng dedicated charger at dapat siguruhin na tama ang pagkaka-install nito.

Bago mag-charge, icheck muna kung walang damage ang kurdon o saksakan.

Pagkatapos gamitin, dapat maayos at malinis ang pagkakalagay ng charger.

Iwasan ang paggamit ng extension cords at tiyaking certified ang lahat ng ginagamit na charging equipment.

Ayon sa DOE, kasabay ng pagsusulong ng cleaner at sustainable energy use, dapat ding masiguro na ligtas ang ating mga tahanan. (DDC)