DSWD naka-high alert sa bagyong Basyang
Nagtaas na ng alerto ang Department of Social Welfare and Development dahil sa bagyong nasa labaspa ng bansa.
Ayon kasi sa PAGASA, naging ganap nang bagyo ang LPA at sa sandaling pumasok ito sa bansa ay papangalanan itong Basyang.
Ayon kay DSWD Assistant Secretary Irene Dumlao, nakahanda ang Family Food Packs ng ahensya at iba pang relief items.
Sapat aniya ang bilang ng food packs sa Disaster Resource Center sa Pasay City at sa Mandaue City.
May mga naka-preposition din na food packs sa regional warehouses ng ahensya.
Inatasan na ni DSWD REX Gatchalian ang lahat ng Field Office lalo na sa Visayas at Mindanao na ihanda na ang mga suplay, manpower at equipment sakaling tumama ang bagyo. (Dona Dominguez-Cargullo)
