Payo ng DOH sa mga pagtitipon sa Undas: Seniors, mga bata ingatan sa flu

Dahil inaasahan ang mga pagtitipon sa parating na long weekend may payo ang Department of Health sa mga pamilyang magsasalo-salo.

Ayon sa DOH, dapat protektahan ang mga bata at matatanda laban sa influenza-like cases dahil sila ang karaniwang tinatamaan ng mga sakit at mas madalas ding makaranas ng mga komplikasyon.

Kung dadalo sa mga pagtitipon o salo-salo, pinapayuhan ang mga lolo at lola na magsuot ng face mask.

Ang mga bata naman ay hindi na dapat isama pa sa masisikip at matataong lugar.

Ugaliin din na palaging maghugas o mag-sanitize ng kamay at kung may nararanasang sintomas ng trangkaso ay mas mabuting manatili na lamang sa bahay. (DDC)