Listahan ng mga kakasuhan vs flood control scandal isusumite ng NBI sa DOJ

Kinumpirma ni National Bureau of Investigation (NBI) Director Jaime Santiago na nakatakda silang magsumite ng listahan sa Department of Justice (DOJ) ng mga irerekomendang sasampahan ng kaso kaugnay sa kontrobersiyal na flood control project sa bansa.

Sa ginanap na pulong balitaan inihayag ng NBI na nadiskubre ng ahensiya na pito hanggang walong contractors na iisa lamang ang board of directors.

Partikular na isusumite ng NBI sa DOJ ang inisyal na ulat ng ahensiya sa kanilang isinagawang imbestigasyon kaugnay sa flood control scandal ngayong hapon ng Miyerkules.

Kasama rin sa ipapasang listahan ng NBI ang mga opisyal ng Department of Public Works and Highways (DPWH) at kontratistang irerekomendang sampahan ng kaso.

Ibinunyag ng NBI na walamg katalo-talo sa bidding ang naturang pito hanggang walong contractors na ‘interlocking’ o pareho lang ang board of directors. (Bhelle Gamboa)