Dalawang gorilla sa San Diego Zoo Park nagpositibo sa COVID-19
Nagpositibo sa COVID-19 ang dalawang gorilla mula sa San Diego Zoo Park.
Sa inilabas na pahayag ng pamunuan ng Zoo, nakumpirma ito sa isinagawang test sa dalawang gorilla.
Posible din ayon sa Zoo na apektado ng virus ang iba pa miyembro ng gorilla troop.
Hinihinalang nahawa ang mga gorilla sa isang asymptomatic na staff member ng Zoo.
Sa kabila ito ng mahigpit na pagsunod ng Zoo sa COVID safety protocols na ipinatutupad ng Centers for Disease Control and Prevention (CDC) at ng San Diego County Health and Human Services Agency kabilang na ang pagsusuot ng PPE ng kanilang mga staff na nag-aalaga sa mga hayop.
Maliban sa nararanasang ubo ay maayos naman ang kondisyon ng dalawang gorilla. (D. Cargullo)
