Navotas City LGU bibili din ng 100,000 doses ng COVID-19 vaccine sa AstraZeneca

Lumagda na din sa kasunduan ang City government ng Navotas para sa advance order ng mga bakuna kontra COVID-19.

Ayon kay Navotas City Mayor Toby Tiangco, bibili ang City Government ng 100,000 doses ng bakuna laban sa COVID-19 sa AstraZeneca pharmaceutical company.

Sinabi ni Tiangco na 50,000 na Navoteño ang unang mabibigyan ng bakuna.

Inaasahan na darating sa second half ng 2021 ang mga bakuna.