Incumbent Sta. Cruz, Laguna Mayor Egay San Luis naghain na ng COC

NAGHAIN na ng kanyang candidacy si Sta. Cruz, Laguna Mayor Edgar ‘Egay’ San Luis sa Comelec Sta. Cruz, Laguna.

Si San Luis ay sinamahan ng kanyang mga tagasuporta sa paghahain ng kanyang COC, nagpakita rin ng pagsuporta si House Committee on Public Order and Safety Chairman, Congressman Dan Fernandez.

Kasabay na naghain ng COC ni San Luis si Vice Mayor Laura P. Obligacion, ang kanyang mga konsehal na sina Ambiel C. Panganiban, Trophy Tolentino, Lucy Odejar , Alan Tec Pamatmat, Louie Cambel De Leon, Cleng San Luis, Mia Martinez at Echo Asinas.

Sa panayam kay San Luis, noong una pa lamang nais na niyang gawin na maihanda ang bayan ng Sta Cruz sa pagbabago ng panahon at mapataas ang ekonomiya, dangan nga lamang at nagkaroon ng mga balakid.

Ang naging malaking balakid at nagsilbing malaking hamon sa kanyang pamumuno ay kung paano pakakasyahin ang reenacted budget ng kanyang bayan matapos na hindi aksyunan ng Sangguniang Bayan ang kanilang panukalang budget.

Kaya ngat umaasa ito na sa pamamagitan ng kanyang mga magiging katuwang sa konseho, hindi na muling mapagkaksitan pa ng benepisyo ang kanauang mga kababayan.

Marami pa rin umano silang plano tulad ng sa agrikultura bagamay nakapagpatayo sila ng pinakamalaking rice processing center sa Calabarzon.

Nais din nito na maging tunay na kabisera ang Sta Cruz, maibalik ang komersyo, pagsuporta sa pamamagitan ng pagbibigay ng insentibo sa SME , ipagpapatuloy ang programang pang environment atnp.

Nanawagan din ito na iwasan ang siraan at ang maruming pulitika. (JR Narit)