2 suspek huli sa P1.7M ‘shabu’ sa Pasay

Nakumpiska ng otoridad ang tinatayang 250 gramo ng umano’y shabu na nagkakahalaga ng P1,700,000 mula sa dalawang suspek sa isang buy-bust operation sa Pasay City.

Ang mga suspek ay kinilalang sina Ralph Sy y Bacasno,21-anyos,nakatira sa No. 5966 Sitio San Juan, Barangay 190 Zone 20 Pasay City; at Philip John Napolis y Barias,25-anyos, ng No. 6096 Sitio San Juan, Brgy. 190 Zone 20 sa nasabing lungsod.

Ayon sa ulat ng pulisya, nagsagawa ng buy-bust operation ang mga operatiba ng Regional Drug Enforcement Unit (RDEU)-NCRPO, Pasay City Police SDEU at Southern Police District DEU sa Bac-1-11 St., malapit sa kanto ng Cessna St., Brgy. 190 Zone 30 Pasay City na nagresula ng pagkakaaresto ng dalawang suspek at pagkakarekober sa umano’y ilegal na droga, marked money at paper bag.

Inihahanda ng otoridad ang pagsasampa ng kasong paglabag sa Comprehensive Dangerous Drugs Act of 2002 laban sa mga suspek. (Bhelle Gamboa)