COVID-19 cases sa bansa 356,618 na; halos 15,000 pa nadagdag sa bilang ng mga gumaling
Umabot na sa 356,618 ang kabuuang bilang ng kumpirmadong kaso ng COVID-19 sa bansa.
Sa latest case bulletin na inilabas ng Departmentt of Health (DOH) alas 4:00 ng hapon ngayong Linggo, Oct 18, nakapagtala ng dagdag na 2,379 na mga bagong kaso.
Muli ring nag-anunsyo ang DOH ng malaking bilang ng recoveries na umabot sa 14,941. Dahil dito, umabot na sa 310,158 ang otal number of recoveries sa bansa.
39,808 naman ang aktibong kaso.
May naitala ding dagdag na 50 pang nasawi sa sakit.
Ayon sa DOH, ang kabuuang bilang ng mga nasawi sa bansa dahil sa COVID-19 ay 6,652 na. (END)
