Ticket para BLACKPINK concert sa Pilipinas nasa P3k hanggang P19K ang presyo

Inilabas na ng Live Nation PH ang presyo ng ticket para sa Born Pink World Tour Manila ng K-pop group na BLACKPINK sa Pilipinas.

Ang concert ay magaganap sa March 25, 2023 sa Philippine Arena.

Sa inilabas na datos ng Live Nation PH, P3,000 ang pinakamurang ticket sa show habang P19,450 naman ang pinakamahal.

Bukas, Nov. 18 ganap na 10:00 ng umaga magsisimula ang pre-selling para sa “Blink Membership Early Bird”.

Mula 11:00 naman ng umaga araw din ng bukas ang pre-selling para sa “Blink Membership”.

At sa Nov. 19, 10:00 ng umaga ang pre-selling para sa Live Nation PH.

Ang General On sale online ay magsisimula sa Nov. 20, 10:00 ng umaga sa pamamagitan ng http://smtickets.com.

At ang onsite naman na bentahan ng tickets ay simula 11:00AM ng Nov. 20 sa mga SM Tickets outlets. (DDC)