DOLE nagpalabas ng work stoppage order laban sa Burgundy Corporate Tower

Nagpalabas ng work stoppage order ang Department of Labor and Employment (DOLE) sa Burgundy Corporate Tower sa Makati City.

Kasunod ito ng insidente ng pag-collapse ng elevator noong July 8, 2022 na ikinasawi ng dalawang manggagawa at ikinasugat ng dalawa pa.

Sa kautusan na nilagdaan ni DOLE Regional Dir. Sarah Buena Mirasol, inaatasan ang pamunuan ng Burgundy Corporate Tower, Concepcion-Otis Philippines, at DLC Electro Mechanical Engineering Services na itigil ang lahat ng aktibidad kaugnay sa dismantling at replacement ng elevator sa pasilidad.

Kahapon, July 11 ay ipinatawag ng DOLE ang mga kinatawan ng nasabing mga establisyimento para sa isang pagdinig. (DDC)