Abogadong Pinoy sugatan sa pamamaril sa Philadelphia

Isang abogadong Pinoy ang nasugatan sa pamamaril sa Philadelphia, U.S.

Ayon kay Consul General Elmer Cato ng Philippine Consular Office sa New York, tinamaan ng bala ng baril sa kaniyang ulo ang biktima na si Atty. John Laylo.

Ginagamot ngayon sa ospital si Laylo at naka-life support.

Ang ina ng biktima ay sugatan din matapos tamaan ng bubog mula sa nabasag na salamin ng bintana ng sasakyan.

Ayon kay Cato, ang 36-anyos na biktima at kaniyang ina ay lulan ng Uber car nang sila ay barilin ng hindi pa nakikilalang mga suspek.

Binisita lamang ng mag-ina ang kanilang kaanan sa Philadephia at patungo sana ng airport para sa kanilang flight patungong Chicago.

Nakikipag-ugnayan na ang konsulada sa mga otoridad sa Philadelphia para sa isinasagawa nitong imbestigasyon. (DDC)