VP Leni Robredo hinamon ng debate si BBM
Hinamon ng debate ni Vice President Leni Robredo ang katunggali nito sa presidential elections na si dating Senador Bongbong Marcos.
Ani Robredo, hindi siya makadadalo sa paanyayang panayam ng Commission on Elections dahil nag-conflict na ito sa schedule ng kaniyang kampanya.
Ani Robredo, isang kandidato na lamang naman ang hindi pa humaharap sa taumbayan sa isang debate nang kasama ang iba pang mga kapwa kandidato.
Mahalaga ang pagharap sa debate ayon kay Robredo dahil paraan ito upang masuri ng publiko, marinig at maipagkumpara ang vision at pagkatao ng mga kumakandidato.
Dahil dito sinabi ni Robredo na inaanyayahan niya si Marcos na makipagdebate upang mabigyan ang taumbayan ng pagkakataon na makaharap siya at matanong tungkol sa mga kontrobersiyang kaniyang kinakaharap. (DDC)
