Booster shot drive-thru vaccination idaraos sa Quirino Grandstand
Magdaraos ng booster shot drive-thru vaccination sa lungsod ng Maynila para sa general population.
Sa abiso ng Manila Public Information office, isasagawa ang drive-thru vaccination sa Quirino Grandstand bukas, Jan. 13 mula 8:00 ng umaga hanggang 5:00 ng hapon.
Maaring pumila sa drive-thru ang mga mayroong 4-wheel vehicles.
Tatanggap lamang ng 300 sasakyan kada araw. At maximum na limang katao dapat ang sakay ng bawat sasakyan.
Ayon kay Manila Mayor Isko Moreno Domagoso maglalaan ng 1,500 doses ng mga bakuna para sa nasabing vaccination.
Kaugnay nito ay nagsagawa na ng inspeksyon sina Domagoso at Manila City Vice Mayor Honey Lacuna sa pagdarausan ng drive-thru. (DDC)
