5 kaso ng Omicron variant ng COVID-19 naitala sa New York
Nakapagtala ng limang kaso ng Omicron variant ng COVID-19 sa New York state ayon kay Gov. Kathy Hochul.
Sa kaniyag Twitter account, kinumpirma ni Hochul ang pagkakaroon na ng limang kaso ng bagong COVID-19 variant.
Dahil dito umakyat na sa walo ang kaso ng Omicron variant sa US.
Paalala naman ni Hochul sa mga mamamayan ng New York, hindi sila dapat mabahala.
Aniya may mga pamamaraan nang nakalatag para maiwasan ang paglaganap nito.
Kasabay nito umapela si Hochul sa mga residente na magpabakuna, magpa-booster shot at laging magsuot ng mask. (DDC)
