Philippine Heart Center FB page na nagbabahagi ng mga pro-Marcos video, peke ayon sa DOH
Inabisuhan ng Department of Health (DOH) ang publiko sa isang Facebook page na nakapangalan sa “Philippine Heart Center”.
Ayon sa inilabas na pahayag ng DOH, ang nasabing Facebook page ay hindi affiliated sa pamunuan ng naturang ospital.
Paalala ng DOH sa publiko, huwag mag-subscribe sa nasabing FB page.
Gumagawa na ng paraan ang DOH at ang PHC upang hilingin na maipa-take down ang page.
Pinakahuling post na ibinahagi sa nasabing Facebook page ay ang video ni dating Pangulong Ferdinand Marcos.
Sa nasabing post nakasaad na ang PHC ay proyekto ng dating pangulo at ni First Lady Imelda Marcos. (DDC)
