BREAKING: Record-high na 18,332 COVID-19 cases naitala ng DOH

Nakapagtala ng panibagong record-high sa kaso ng COVID-19 sa bansa.

Ayon sa Department of Health, umabot sa 18,332 ang bagong kaso ng COVID-19 na naitala araw ng Lunes, August 23.

Ito na ang pinakamataas na single-day case matapos mahigitan ang 17,231 cases na naitala noong August 20.

Dahil dito, sumampa na sa 1,857,646 ang kabuuang kaso ng COVID-19 sa bansa.

Sa nasabing bilang, 130,350 o 7 percent ang aktibong kaso.

1,695,335 naman o 91.3 percent ang mga gumaling makaraang makapagtala ng 13,794 na bilang ng mga naka-recover.

Samantala, nadagdagan naman ng 151 ang bilang ng mga nasawi.

Ayon sa DOH, 31,961 na o 1.72 ang kabuuang bilang ng mga pumanaw dahil sa sakit. (DDC)