Pangulong Duterte walang balak mag-sorry kay Sen. Pacquiao

Wala umanong plano si Pangulong Rodrigo Duterte na humingi ng paumanhin kay Senador Manny Pacquiao.

Ito ang pahayag ng Palasyo ng Malakanyang kasunod ng panawagan ni Bacolod Congressman Monico Puentevella na dapat na humingi ng sorry ang pangulo dahil sa mga banat kay Pacquiao.

Sinabi ni Presidential Spokesman Harry Roque na walang dahilan para humingi ng tawad ang pangulo.

Ayon pa kay Roque, ang mga pahayag ng pangulo ay bahagi ng “free market place of ideas”.

Magugunitang tinawag ng pangulo na “punch drunk” si Pacquiao.

Nagalit kasi si Pangulong Duterte kay Pacquiao matapos na sabihin ng senador na triple na ang korupsyon sa ilalim ng kasalukuyang administrasyon. (Faith Dela Cruz)