Mahigit P100M pondo para sa cash assistance sa mga senior citizen, senior HS students at retired teachers inaprubahan ni Manila Mayor Isko Moreno

Inaprubahan ni Manila Mayor Isko Moreno ang pagre-release ng mahigit P100 million na pondo para sa social amelioration sa mga senior citizen, senior HS students at retired teachers sa lungsod.

Nilagdaan ni Moreno ang pagpapalabas ng P95,344,000 na pondo para sa cash assistance sa 35,788 na senior citizens sa District 1.

Tatanggap sila ng tig-P3000 para sa buwan ng Enero hanggang Hunyo ngayong taon o katumbas ng P500 kada buwan.

P1,614,000 naman ang ipalalabas na pondo para sa cash assistance ng 807 na Senior High School students mula Unibersidad de Manila.

Tatanggap naman sila ng tig P2,000 para sa buwan ng Abril hanggang Hulyo o katumbas ng P500 kada buwan.

Samantala nilagdaan din ni Moreno ang pagpapalabas ng P6,000,000 na Old Age Sustenance Allowance sa 2,000 retiradong guro.

Makatatanggap sila ng tig P3,000 para sa buwan ng Enero hanggang Hunyo o katumbas din ng P500 kada buwan. (Dona Dominguez-Cargullo)