BREAKING: C130 plane na may lulang mga sundalo bumagsak sa Patikul, Sulu
Nag-crash sa Barangay Bangkal, Patikul, Sulu ang isang military plane na may lulang mga sundalo galing ng Cagayan De Oro City.
Ayon kay AFP Chief Gen. Cirilito Sobejana, nangyari ang pagbagsak ng C130 pasado alas 11:00 ng umaga ng Linggo (July 4).
Sinabi ni Sobejana na lumagpas sa runway ang C130 habang sinusubukang mag-regain ng power.
At nang tuluyang hindi nakayanan ay bumagsak na ang C130 sa Brgy. Bangkal.
Sinabi ni Sobejana na umabot na sa 40 ang na-rescue at agad silang dinala sa ospital ng 11th Infantry Division sa Busbus, Sulu. (Dona Dominguez-Cargullo)
