LRT-1 sususpindihin sa susunod na dalawang weekend
Sa susunod na dalawang weekend ay sususpindihin ang operasyon ng LRT-1.
Ayon sa abiso ng Light Rail Manila Corporation (LRMC), ito ay para kumpletuhin ang repair at rehabilitasyon na hindi natapos noong Holy Week.
Sinabi ng LRMC, sususpindihin ang biyahe ng LRT-1 sa April 17 hanggang 18 at sa April 24 hanggang 25.
Kabilang sa mga isasagawa pang aktibidad ay ang maintenance ng mga tre, istasyon, at iba pang sistema kasama ang naka-schedule na pagpapalit ng overhead catenary wires.
Sinabi ng LRMC na kinumpirma naman ng Department of Transportation (DOTr) na magtatalaga ng public utility buses para masakyan ng mga maaapektuhang pasahero.
Bibiyahe ang mga bus sa Route 17 (Monumento to EDSA via Rizal Avenue/Taft Avenue).
