Stephen Curry nakuha ang titulo bilang “all-time leading scorer” ng Golden State Warriors
Hawak na ni Stephen Curry ang titulo bilang all-time leading scorer ng koponang Golden State Warriors.
Ito ay makaraang makapagtala ng 53 puntos si Curry sa laban ng Warriors sa Denver Nuggets dahilan para magwagi ang koponan sa score na 116-107.
Ito ang ikatlong pagkakataon na umiskor si Curry ng 50 puntos pataas sa kasalukuyang season ng NBA.
Sa kasalukuyan ayon sa Warriors si Curry ay mayroon nang 17,784 points.
At ito na ang pinakamataas na puntos ng isang manlalaro sa kasaysayan ng prangkisa ng Golden State Warrior.
