DILG may bagong patakaran sa pag-apruba sa foreign travels ng LGU officials

Nirebisa ng Department of the Interior and Local Government ang proseso sa pag-apruba ng foreign travel requests ng mga lokal na opisyal sa bansa.

Ayon sa kagawaran, epektibo na simula Sept. 7 ang DILG Circular kung saan ginagawa nang centralize ang pag-apruba sa travel request ng mga LGU official.

Sa ilalim nito maaari nang ang mga Regional, Provincial, at City Directors ng DILG ang mag-apruba sa biyahe ng ilang mga opisyal at kawani ng pamahalaang lokal.

Gayunpaman, nananatili sa kamay ng DILG Secretary ang pinal na pagpapasya para sa lahat ng opisyal at personal na biyahe sa labas ng bansa ng mga Provincial Governor, Mayors ng Highly Urbanized at Independent Component Cities, at ang Municipal Mayor ng Pateros.

Ang Kalihim din ang mag-aapruba kung ang biyahe ng mga lokal na halal na opisyal ay lalampas sa tatlong buwan, o kung ito ay itatapat sa panahon ng emergency o krisis. (DDC)