Kapitan ng barkong MV June Aster nagpakita na
Kinumpirma ng Philippine Coast Guard na nagpakita na ang kapitan ng nasunog na barkong MV June Aster sa Palawan.
Ayon sa PCG, nagtungo si Captain Roel Sarmiento sa Atienza Interisland Ferries Inc. office sa Palawan kasama ang HR General ng kumpanya.
Sinabi ni PCG Spokesperson, Commodore Noemie Cayabyab, kakausapin ng mga ibestigador si Sarmiento para malaman ang mga impormasyon sa nangyaring sunog.
Aalamin din kung ano ang dahilan ng kaniyang pagkawala sa loob ng limang araw matapos ang trahedya.
Sa huling datos ng mga otoridad, 44 na sakay ng barko ang nakaligtas kabilang si Captain Sarmiento.
Umabot naman na sa 76 ang nasawi habang 12 pa ag nawawala. (DDC)
