Magkapatid na Cayetano uuwi na sa bansa bukas ayon sa NBI

Inaasahang babalik na sa bansa bukas araw ng Sabado ang magkapatid na sina Senador Alan Peter Cayetano at Senador Pia Cayetano matapos ang kanilang pagbiyahe sa ibang bansa.

Kinumpirma ito ni National Bureau of Investigation (NBI) Director Melvin Matibag sa isang ambush interview.

Ayon kay Matibag, nakatanggap siya ng impormasyon na darating na bukas ang magkapatid na mambabatas.

Batay sa ulat ng Bureau of Immigration, walang inilabas na hold departure order o derogatory record laban sa mga Cayetano kaya malaya silang nakalabas ng bansa.

Inihayag naman ni Matibag na bagaman walang legal na hadlang sa pagbiyahe ng dalawa, hindi naman masisisi ang publiko sa pagbibigay ng mga negatibong komento dahil sa tiyempo ng kanilang pag-alis sa bansa.

Sa gitna kasi ito ng mga kontrobersiya kaugnay ng flood control projects sa Taguig City na nauna nang ibinunyag ni Senador Ping Lacson.

Iniimbestigahan ng NBI ang mga alegasyon ng korapsyon sa pagho-host ng bansa sa 2019 Southeast Asian Games na dating pinangasiwaan ni Cayetano. (DDC)