P10.377B na pondo para sa Zero Balance Billing Program ng DOH aprubado na ng DBM
Inaprubahan ng Department of Budget and Management ang pagpapalabas ng 10.377 billion pesos para sa Department of Health upang masuportahan ang pagpapatupad ng Zero Balance Billing Program.
Ang inaprubahang pondo ay para patuloy na maipatupad ang ZBB sa mga DOH hospital sa buong bansa at sa anim na pilot hospital sa mga local government unit.
Sa kabuuang halaga, 9.377 billion pesos ang para sa mga DOH hospital sa buong bansa.
3.342 billion pesos ay ilalaan sa mga DOH hospital sa Metro Manila.
Ang natitirang 6.035 billion pesos naman ay para sa mga DOH regional hospital at iba pang health facilities ng pamahalaan sa labas ng Metro Manila.
Samantala, ang 1 billion pesos naman na pondo ay para sa ZBB Program sa anim na pilot LGU hospital sa Benguet, Batangas, Laguna, Quezon, Aklan, at Sarangani. (DDC)
