Sintomas ng dengue hindi dapat balewalain – DOH

Nananatiling mataas ang panganib ng dengue dahil sa patuloy na pag-ulan sa iba’t ibang bahagi ng bansa.

Ayon sa DOH, ugaliing gawin ang Taob, Taktak, Tuyo, at Takip upang maiwasan ang pagdami ng lamok at alisin ang mga naipong tubig sa paligid ng bahay.

Kung mayroong miyembro ng pamilya na may lagnat, lalo na kung may kasamang matinding sakit ng ulo, pananakit ng katawan, pagsusuka, o pagkakaroon ng pantal agad na magpatingin sa pinakamalapit na health facility.

Ang maagang pagpapatingin at tamang gamutan ay mahalaga upang maiwasan ang malubhang komplikasyon ng dengue. (DDC)