Pag-rescue sa mga palaboy na hayop sa expressway tutukan ng NLEX at Marilao LGU
Nagkaisa ang NLEX Corporation at Pamahalaang Lokal ng Marilao kasama ang Animal Shelter and Care Facility (ASCF) ng munisipyo upang tiyakin ang makataong pagsagip, pangangalaga at pamamahala sa mga palaboy na hayop na makikita sa expressway corridor.
Ang kasunduan ay nilagdaan nina NLEX President at General Manager Luis S. Reñon at Marilao Mayor Atty. Jemina M. Sy.
“This partnership forms a vital part of our overarching advocacy for road safety,” sabi ni Reñon.
“Through the NLEX I Care for Strays program, we reaffirm our commitment to protecting both motorists and animals. The initiative aims to reduce stray-animal-related incidents through responsible rescue operations, proper animal care, and strong collaboration with local government units,” dugtong pa nito.
Bilang bahagi ng partnership, nagtatag ng NLEX Animal Rescue Team (ART), isang espesyal na yunit na naatasang rumesponde sa mga reports ng mga pagala-galang hayop sa kahabaan ng expressway. Sumabak ang Team members ng komprehensibong pagsasanay mula sa ASCF ukol sa wasto at makataong pamamahala sa hayop at paraan ng pagsasagip para masiguro ang ligtas na pagkuha at transport ng mga hayop patungo sa pasilidad.Para sa karagdagang pag-iingat, ang team members ay binigyan din ng kaukulang bakuna upang tulungan silang protektahan mula sa potensiyal na banta sa kalusugan na maaaring makuha nila sa pamamahala sa mga palaboy na hayop.
“We are deeply grateful to NLEX for this initiative. This marks the first time an LGU and NLEX have collaborated to achieve two vital goals: keeping our motorists safe from the hazards posed by stray animals on high-speed roads and also ensuring the welfare of the animals themselves. This successfully delivers on both,” pahayag ni Marilao Mayor Atty. Jemina M. Sy.
Upang suportahan ang operasyon ng shelter nangako ang NLEX ng buwanang donasyon ng pagkain ng hayop at tumulong sa pagmonitor ng kalusugan at kapakanan ng mga narescue na hayop.
Ang NLEX I Care for Strays program ag inilunsad noong 2024 bilang bahagi ng MPTC sa pinalawak na Mission Road Safety Campaign. Nakatuon ang inisyal na bahagdan ng programa na pangalagaan ang responsableng pet ownership sa mga komunidad sa pamamagitan ng educational seminars, free anti-rabies vaccinations, deworming, at spay-and-neuter services.
Patuloy na magpapatupad ang NLEX Corporation ng implementasyon ng proactive engineering at community-based measures para pigilan ang pagdami ng hayop sa highway. Kabilang din dito ang maigting na kada araw na perimeter fence inspections, pagpapalakas ng drainage culverts, at partnerships sa mga karatig na barangay upang maging kampeyon sa responsableng pet ownership.
Ang NLEX Corporation ay subsidiary ng Metro Pacific Tollways Corporation (MPTC), ang toll road arm ng Metro Pacific Investments Corporation (MPIC). (Bhelle Gamboa)
